ՀԱՐԳՐԻՊ (PARAGRIPPE)

ՀԱՐԳՐԻՊ (PARAGRIPPE)

Պարագրիպը սուր վարակիչ հիվանդություն է, բնորոշվում է չափավոր ինտոքսիկացիայով, վերին շնչուղիներիրի բորբոքումով, լարինգիտի և կրուպի զարգացումով:

Հարուցիչները վիրուսներն են, 4 տիպի: Պարագրիպը դասվում է անտրոպոնոզ ինֆեկցիաների շարքին: Հիվանդության աղբյուրը հիվանդ մարդն է, վարակը փոխանցվում է օդակաթիլային ճանապարհով:

Հարուցչի համար մուտքի դուռ է հանդիսանում քթըմպանի լորձաթաղանթը, որտեղ վիրուսը բազմանում է առաջացնում բորբոքային պրոցես, այտուց և հիպերեմիա: 

Գաղտնի շրջանը 1-7 օր է:

Ըստ ծանրության լինում է թեթև, միջին և ծանր:  

Հիվանդը ունենում է ընդհանուր թուլություն, գլխացավ, դող, սարսուռ, հարբուխ, սուբֆեբրիլ ջերմություն, ձայնը լինում է խռպոտ:

Երեխաների համար պարագրիպը հանդիսանում է ,,կեղծ կրուպի" առաջացման վտանգ, որը զարգանում է գիշերը:

Բարդությունները

Բարդություններից է համարվում ստենոզը, թոքաբորբը, անգինան, օտիտը:

Ախտորոշումը

Ախտորոշումը հիմնվում է կլինիկական ախտանիշների վրա:

Կատարվում է շճաբանական հետազոտություն: