Ինչու և երբ է անհրաժեշտ անցնել ՄԻԱՎ- վերաբերյալ հետազոտություն

ՄԻԱՎ-ի նկատմամբ իր կարգավիճակի մասին մարդու իմացությունը թույլ է տալիս կայացնել ճիշտ որոշումներ սեռական հարաբերությունների մեջ մտնելու, երեխաներ ունենալու և ապրելակերպի ընտրության վերաբերյալ: Այդ իմացությունը նաև հնարավորություն կտա ՄԻԱՎ վարակով հիվանդին, որ ժամանակին ստանա համապատասխան բուժում, ինչը կօգնի բարելավել նրա կյանքի որակը և երկարացնել կյանքը` հետաձգելով ՁԻԱՀ-ի զարգացումը:
Ստորև թվարկված հարցերից որևէ մեկին «այո» պատասխանած յուրաքանչյուր անձ ՄԻԱՎ-ի վերաբերյալ հետազոտվելու կարիք ունի:
Վերջին 10-15 տարվա ընթացքում...

ՄԻԱՎ ՁԻԱՀ

• Ոնեցե՞լ եք սեռական հարաբերություններ պատահական զուգընկերների հետ:

• Ձեր զուգընկերն ունեցել՞ է սեռական հարաբերություններ այլ անձանց հետ:

• Օգտագործե՞լ եք թմրամիջոցներ ներարկային ճանապարհով ուրիշների հետ համատեղ:

• Ենթարկվե՞լ եք բժշկական միջամտությունների` վիրաբուժական, մաշկը ծակող կամ դաջող գործիքներով, որոնց պատշաճ ախտահանումը կասկածի տեղիք է տալիս:

• Ունեցե՞լ եք որևէ շփում այլ անձանց արյան հետ:

• Ստացե՞լ եք արյան փոխներարկում ՄԻԱՎ-ի վերաբերյալ հետազոտություն չիրականացնող բժշկական հիմնարկում:

Երեխաները նույնպես պետք է հետազոտվեն ՄԻԱՎ-ի վերաբերյալ, եթե նրանց ծնողները հիվանդ են ՄԻԱՎ վարակով, քանի որ վարակը կարող է երեխային փոխանցվել հղիության, ծննդաբերության կամ կրծքով կերակրելու ընթացքում:
Խորհուրդ է տրվում ՄԻԱՎ-ի վերաբերյալ հետազոտվել հնարավոր վարակումից 3-6 ամիս անց:
ՄԻԱՎ-ի վերաբերյալ հետազոտությամբ հայտնաբերվում են ՄԻԱՎ-ի նկատմամբ օրգանիզմում արտադրված հակամարմինները (յուրահատուկ սպիտակուցային նյութեր, որոնք օրգանիզմն արտադրում է հատուկ ՄԻԱՎ-ի դեմ պայքարելու նպատակով): Հայտաբերվելու համար  անհրաժեշտ քնակով հակամարմիններ վարակված մարդու արյան մեջ ի հայտ են գալիս հիմնականում վարակվելուց հետո ` երեք ամսվա ընթացքում:
Եթե կասկածում եք, որ վարակվել եք, չափազանց կարևոր է կանխարգելիչ միջոցների կիրառումը` մինչև ՄԻԱՎ-ի նկատմամբ կարգավիճակի ճշտումը: Մասնավորապես այդ ընթացքում հարկավոր  մշտապես օգտագործել պահպանակ, ձեռնապահ մնալ դոնորական արյուն հանձնելուց, իսկ կանանց խորհուրդ է տրվում խուսափել հղիությունից: