Կրծքով կերակրումը և առավելությունները

Կրծքով կերակրումը նորածնի սնուցման նախընտրելի մեթոդն է: Կրծքի կաթը այդ թվում նաև կաթնախեժը լիարժեք սնունդ է երեխայի համար, որը համապատասխանում է յուրաքանչյուր երեխայի անհատական պահանջներին, դյուրամարս է, հարուստ է անհրաժեշտ նյութերով, որոնք նպաստում են և ապահովում են երեխայի աճը ու նորմալ զարգացումը: Կյանքի  առաջին տարում պաշտպանում է տարբեր հիվանդություններից, վարակներից, ալերգիաներից, խթանում է ստամոքսային համակարգի, ուղեղի զարգացումը:
Կրծքով կերակրումը և առավելությունները

Կաթնախեժը գործում է որպես առաջնային իմունիզացիա: Կաթնախեժը մանկանը ապահովում է հակամարմինների գերդոզայով: Կրծքով սնուցումը բարենպաստ և դրական ներգործություն ունի ոչ միայն մանկան այլ նաև կնոջ օրգանիզմի համար, բացառապես նվազեցնում է հղիանալու հավանականությունը և համարժեք է ժամանակակից հակաբեղմնավորիչ միջոցներին:
Երեխայի ծծումը գրգռում է հարպտկային շրջանում գտնվող նյարդաթելերը, որոնց միջոցով գրգիռը հասնում է մոր ուղեղը, այդտեղից որպես պատասխան արտադրվում է կրծքով սնուցման 2 հորմոնները` պրոլակտինը և օքսիտոցինը: Պրոլակտինը արգելակում է բեղմնավորման համար անհրաժեշտ էստրոգեն և պրոգեստերոն հորմոնների քանակի ավելացումը` դրանով կանխում ձվազատումը: Օքսիտոցինը խթանում է արգանդի մկանների կծկումը, նպաստելով արգանդի կրճատմանը և կաթի արտազատմանը:

Կրծքով կերակրելու առավելությունը Կրծքագեղձի և ձվարանի քաղցկեղի առաջացումը նվազեցնում է: Սակավարունություն ավելի հազվադեպ է լինում: Ծերունական հասակում ոսկրային հիվանդությունները ավելի քիչ են լինում:

0 մեկնաբանություն(ներ):